«IQanat» ауыл оқушыларына арналған олимпиаданың аудандық туры

2024 жылғы 29 қазанда Атбасар қаласындағы № 1 орта мектепте «IQanat» ауыл оқушыларына арналған олимпиаданың аудандық туры өтті. Олимпиаданы IQanat қоры ұйымдастырып, Қазақстан Республикасы Білім және ғылым министрінің 2014 жылғы 7 желтоқсандағы № 514 бұйрығымен ұсынылған пәндік олимпиадалар тізіміне енгізілді. «IQanat» олимпиадасы мақсатты ауылдық оқушыларды табу және қолдау, олардың өз қабілеттерін ашуға көмектесу, сабақтарға қызығушылығын ояту, бүкіл оқу кезеңінде тәжірибелі тәлімгер іздеуге ықпал ету, өздеріне сенуге және бастама көтеруге үйрету мақсатында өткізіледі. Олимпиадаға Атбасар ауданының 11 ауылдық мектебінен 8 сыныптың 90 оқушысы қатысты. Олимпиаданың ашылу салтанатына «Ақмола облысы білім басқармасының «Ақмола дарыны» дарынды балалар мен талантты жастарды анықтау және қолдау орталығы» КММ басшысының орынбасары Алдабергенова Аягөз Жүнісқызы, «Атбасар ауданының ішкі саясат және тілдерді дамыту бөлімі» ММ басшысы Серікпаев Әділхан Дастанұлы, Атбасар ауданының «Атбасар ауданы Тілдерді оқыту орталығы» КММ басшысы Қамшат Қадылқызы қатысты. Әрбір қатысушы олимпиаданы ұйымдастырушылардан естелік білезік пен қаламсап алды. Олимпиада жалпы білім беретін пәндер бойынша төрт кезеңде өткізіледі. Аудандық тур жеңімпаздары Көкшетау қаласында өтетін облыстық турға қатыса алады.