Ауыл мұғалімдеріне коммуналдық төлемдер.

"Білім туралы" 2007 жылғы 27 шілдедегі Қазақстан Республикасының Заңына және "Педагог мәртебесі туралы" Заңға сәйкес ауылдық жерде жұмыс істейтін білім берудің педагог қызметкерлеріне жергілікті өкілді органдардың шешімі бойынша бюджет қаражаты есебінен коммуналдық қызметтер үшін шығыстарды жабуға және тұрғын үй-жайларды жылытуға арналған отын сатып алуға біржолғы ақшалай өтемақы төленеді. жергілікті атқарушы органдардың шешімі бойынша белгіленеді. Ақмола облыстық мәслихатының 2020 жылғы 18 маусымдағы № 6С-45-6 Ақмола облысының Әділет департаментінде 2020 жылғы 22 маусымда № 7908 "Ақмола облысының ауылдық елді мекендерінде кәсіптік қызметін жүзеге асыратын педагогтерге коммуналдық қызметтерге ақы төлеу және бюджет қаражаты есебінен отын сатып алу бойынша әлеуметтік қолдау көрсету тәртібі мен мөлшерін бекіту туралы" шешімінің негізінде Атбасар ауданының педагогтары төртінші жылы Коммуналдық қызметтерге ақы төлеу үшін әлеуметтік қолдау алады. Педагогтерге әлеуметтік қолдау жылына бір рет бюджет қаражаты есебінен 15 айлық есептік көрсеткіш мөлшерінде көрсетіледі. Әлеуметтік қолдау екінші деңгейдегі банктер немесе банк операцияларының тиісті түрлеріне лицензиясы бар ұйымдар арқылы педагогтердің дербес шоттарына аудару жолымен жүзеге асырылады. 2024 жылдың қазан айында 485 педагог жалпы сомасы 26859300 теңгеге осы қолдауға ие болды. Атбасар ауданының ауылдық жерлерінде жұмыс істейтін педагогтар Ақмола облысының әкімі М. Ахметжановқа, облыстық мәслихатқа, Ақмола облысының білім басқармасына, Ақмола облысының үйлестіру және әлеуметтік бағдарламалар басқармасына, Ақмола облысының білім беру қызметкерлерінің кәсіподағына, Атбасар ауданы бойынша білім бөліміне, Атбасар ауданының әлеуметтік бағдарламалар бөліміне педагогтарды қолдағаны үшін, уақтылы төлеуді ұйымдастырған үшін алғыс білдіреді. Бұл ауыл тұрғындарына үлкен қолдау.  Бұл өтемақы төлемі мұғалімдердің материалдық жағдайын жақсартуға, сондай-ақ ауылдардан кадрлардың кетуін азайтуға мүмкіндік береді. Сізге денсаулық, әл-ауқат, шығармашылық белсенділік, ынта, отбасылық жылулық пен жайлылық тілейді.                         Атбасар ауданы кәсіподақтың филиалы