Қазақстан Республикасы Ұлттық мұрағатындағы семинар

2025 жылғы 10-11 сәуір күндері Қазақстан Республикасы Ұлттық архиві базасында мемлекеттік мекемелердің, ведомстволардың немесе ұйымдардың құжаттармен жұмыс істейтін қызметкерлеріне арналған республикалық семинар өтті. Аталған семинарға Атбасар ауданы білім бөлімінің іс жүргізушісі Гүлжазира Анарбекқызы қатысты. Іс-шара аясында «Е-архив» ақпараттық жүйесімен жұмыс істеу, номенклатура жүргізу, ресми бұйрықтарды ресімдеу, құжаттарды сақтау мерзімдері мәселелері бойынша оқыту өткізілді. Семинар қатысушыларына әдістемелік ұсынымдар берілді. Лекторларға кәсібилігі, қызықты мысалдары және тәжірибелерімен бөлісуге дайын екендігі үшін ерекше алғыс білдіреміз. Алынған білім мен практикалық құралдар архивтік құжаттармен және зерттеу жобаларымен жұмыс барысында қазірдің өзінде көмегін тигізуде. Келесі кездесулерді асыға күтеміз және алдағы бастамаларға қуана қатысамыз!