"Оқу процесінде білім алушыларға психологиялық көмек көрсету".

2025 жылғы 24-25 сәуірде «Атбасар қаласының № 1 жалпы білім беретін мектебі» КММ базасында «Ақмола облысы білім басқармасының психологиялық қолдау орталығы» коммуналдық мемлекеттік мекемесінің мамандарымен: Уаисова Сандуғаш Қанғожақызы, әдістемелік жұмыс бөлімінің басшысы Шәріпова Гүлім Егінбайқызы, психологиялық жұмыс бөлімінің басшысы Хасенов Айбек Рашидұлы, Бабағұлова Ақмарал Қуанышқызы, тәжірибелі психологтар «Оқу процесінде білім алушыларға психологиялық көмек көрсету» тақырыбында іс-шаралар өткізді.

24 сәуірде педагог-психологтардың қызметіне мониторинг жүргізілді, кәмелетке толмағандармен және ата-аналармен жеке консультациялар жүргізілді, күннің екінші жартысында ата-аналар жиналысы өткізілді, онда психологиялық қолдау орталығы, мақсаттар мен міндеттер, жұмыс бағыттары мен нысандары туралы шолу ұсынылды. Ата-аналардың қалауы бойынша мамандар жеке түрде кеңес берді.

25 сәуірде ата-аналар конференциясы өткізілді, онда орталықтың жұмысы туралы шолу жасалды, Ақмарал Қуанышқызы «Отбасы болу өнері» атты баяндама жасады, Айбек Рашидұлы кәмелетке толмағандардың зиянды әдеттері, кәмелетке толмағандардың тыйым салынған заттарды қолдану белгілерін қалай тану керектігі және қандай көмек көрсету керектігі туралы айтып берді.