АБББ кеңесі

1 қараша күні Атбасар ауданы бойынша  білім  бөлімінің басшысы мектеп директорларымен, балабақшалардың меңгерушілерімен, қосымша білім  беру ұйымдарының директорларымен білім бөлімі  Кеңесінің отырысын өткізді. Онда: педагогикалық әдеп бойынша  кеңестің жұмысы туралы (З. Серкебаева), "Фаворит" жүйесіне көшу туралы (В. Маметбакова), білім  беру ұйымдарының қауіпсіздікпен қамтылуы туралы (И. Кузнецов), білім беру ұйымдарында оқытуда білімдік платформаларды қолдану туралы (Д. Терешкина), білім  беру  ұйымдарындағы оқушылардың қауіпсіздік техникасын сақтауы туралы (Д.Чарушин) мәселелер қаралды. Аталмыш  отырыста басшылар алдында  Жусан банктің жеке тұлғаларға қызмет көрсету бөлімінің басшысы Жанар Амирова мектеп оқушыларына арналған төлем карталарды енгізу туралы сөз алды. Сонымен қатар, АББ басшысы кеңеске қатысушыларды білім министрі 

А.  Аймағамбетовтың 30 қазандағы мәжілісте айтқан ақпаратымен (Түркістан облысына бару нәтижесі туралы, пед. әдеп сақтау туралы, "алтын сағат"ережесі туралы, психологиялық қызметтермен мәжілістер өткізу ережесі туралы, Күнделік базасын толтыру туралы, мұғалімдерді өз жұмыстарына сәйкеспейтін жұмыс түрлеріне жұмылдыруға тыйым салу  туралы) таныстырды.