«№7 қазақ орта мектебі» КММ бойынша «Аманат» отбасы клубының ашылу рәсімі туралы мәлімет

2019 жылдың 21 мамыр күні сағат 13:00-де № 7 қазақ орта мектебінде «Аманат» отбасылық клубының салтанатты ашылу рәсімі өтті. Бұл атаулы шараға Атбасар ауданы білім бөлімігің басшысы Наймушина Наталья Георгиевна қатысып ашылу рәсімін жасады. Отбасылық клубының ашылу мақсаты: «Отбасы» құндылығы туралы түсініктерді отбасы туралы ұғымдарды кеңейту, оны сүйе білуге, 
б) отбасының негізі өмірдің ұйытқысы, киелі қасиетке ие болу сыры, отбасы тәлімінің мәні туралы түсініктерді кеңейту;
в) отбасы тәрбиесінің мән – маңызын ашып көрсете отырып, ұлттық салтты, дәстүрді түсініп, құрметтеуге баулу, алдағы өмірге даярлау.
ата-ана мен бала арасындағы және отбасы мүшелерінің бірі - біріне жақсы қарым - қатынастарын орнату;Елдік сананы қалыптастырып, ұлттық рух пен ұлттық патриотизмді негіздеу. Отбасылық құндылықтарды құрметтеу, іргесі берік жарасымды отбасы қалыптастыруды насихаттау.Бұл іс –шараға мектебіміздің өнегелі отбасылары белсенді қатысты, олар: Исиндер отбасы, Саят отбасы және Қайырбек отбасылыры. Әр отбасы өздерін таныстырып, өнерлерін ортаға салды. Сонымен қатар іс –шара барысында әр түрлі тапсырмалар орындап, сұрақтарға жауап беріп, отбасылары туралы қызықты әңгімелерімен бөлісті.Мектебіміздің өнерпаз оқушылары да өз құттықтау тақпақтарымен әндерін «Аманат» отбасылық клубының туған күніне арнады. Бұл мерекеге мектебіміздің барлық сыныптарының ата – аналар комитеттерінің торайымдары қатысты.Қатысқан отбасыларына арнайы естелік сыйлықты мектеп директоры Калиева Уасиля Зайымбекқызы табыстап, отбасыларға амандық, құт –береке тіледі.