Дүниежүзілік еңбекті қорғау күніне арналған Семинар

Халықаралық еңбек ұйымы (ХЕҰ) бүкіл әлемдегі жұмыс орындарында жазатайым оқиғалар мен аурулардың алдын алуға жәрдемдесу мақсатында 28 сәуір Дүниежүзілік еңбекті қорғау күнін атап өтеді. Бұл ақпараттық-түсіндіру науқаны жұртшылықтың назарын еңбекті қорғау саласындағы проблемаларға және еңбек қызметіне байланысты жарақаттар, аурулар мен өлім-жітім санының өсуіне аударуға бағытталған.  Облыстық аумақтық кәсіподақ төрағасы Қ.С. Рахметовтың бастамасымен Дүниежүзілік еңбекті қорғау күніне орай семинар ұйымдастырылды. "Тыныс" АҚ өкілі Б.Нұрахаев өнеркәсіптік қауіпсіздік техникасын сақтау және еңбекті қорғау шеңберінде өткізілген іс-шаралар туралы ақпаратпен бөлісті.  Семинар спикерлері. еңбекті қорғау ережелерін сақтамаудан туындаған өндірістік жарақаттар, жазатайым оқиғалар фактілері ұсынылды. Еңбек қауіпсіздігін нығайту бойынша нормативтік заңнамалық база бойынша түсініктемелер берілді. Құқықтық бақылаудың түрлері анықталды: мемлекеттік, ішкі және қоғамдық.  Басты міндет - қызметкерлердің салауатты және қауіпсіз еңбек жағдайларына құқығын қамтамасыз ету, өндірістік жарақаттанудың алдын алу.