Ақмола облысы мектептерінің кітапханашыларына арналған семинар-тренинг

2022 жылдың 20 желтоқсанында Көкшетау Назарбаев Зияткерлік мектебінің базасында Ақмола облысының мектеп кітапханашылары үшін «Оқушылардың оқу сауаттылығын қалыптастырудағы мектеп кітапханасының инновациялық қызметі» атты тәжірибелік семинар өтті. Семинардың мақсаты: мектеп кітапханашыларының біліктілігін және ақпараттық сауаттылығын арттыру, кітап оқуды насихаттаудың заманауи әдістерімен танысу болды.

     Семинарға қатысушылар ақпараттық және оқу сауаттылығын қалыптастырудың белсенді әдістерін зерделеп, тәжірибеге енгізді, онлайн қосымшалардың әртүрлі түрлерімен жұмыс істеді, осы әдістерді өз жұмыстарында қолданудың мәселелері мен мүмкіндіктерін, ынтымақтастықтың одан әрі мүмкіндіктерін, бірлескен жұмыс бағыттарын талқылады.

      Семинарға Атбасар қаласының №3 жалпы білім беретін  мектебінің (Кравченко Ю.В.) және Атбасар қаласының  № 8 орта мектебінің (Тулеова Г.К.) кітапханашылары қатысты.